A fixa de Abraham Viqueira

Con esta fixa Abraham xogaba ó polo... cando tiña un prato de 39 dentes; afrouxaba o guía e dáballe a volta ós cornos para arriba ...a xogar !

 

Recentemente remozada con guiador novo clásico tipo criterium e unha sela Brooks. O cadro da bici foi recuperado literalmente do lixo no taller ReCiclos. Unha estética sobria pero con un estilazo, o sabor do make it yourself (faino ti mesm@) e a profundidade no tempo.

Imos que, eu xuraría que esta bici non volve ó polo ...jejej.

PD. Abraham pode que queira escabecharme (a un arquitecto non se lle modifican as fotos; porque probablemente xa as fixera con toda a intención). Abraham ¿queres ser editor?

Polo&Bikes en A Coruña

Polo&Bike a marca nada en Asturias, xa ten distribuidor en A Coruña. Así que podemos pasar a ollar e conquerir algún dos seus dous modelos -pero en moitas cores- por 400 - 450 € - ámbolos dous veñen con buxeiro flip-flop con un piñón fixo e ó outro lado ceibe - na tenda do paseo marítimo Eco-Logica.

Máis info, fotos, etc. na web da marca: http://poloandbike.com

A bici de Sión.

Aproveitamos o relax da ponte (a xente marcha da cidade) para comentar outra fixa d'A Coru: a LeafCycle Gipsy de Sión (creador de Bikes&Books ).


A bici non ten maior mérito creativo que o de escollela de catálogo. Mais o árido das cores e do que fago de presentación, tórnase vivo cando baixamos a mirar os detalles da guía-potencia monopeza, bielas e sela de BMX, gravado da marca no guía, etc.

A Gipsy é unha bici para trucos e que vén con buxe flip-flop, con moi pouca batalla -distancia entre eixos- asegurando toe-lap a pouco que se centre o pé no pedal; e á que so un demente non poría freo/straps/calapés ou automáticos ...mais como debe haber diversidade, celebramos atopar o caso.

Nova, cotiza os 799€ ...e disque hai moi poucas Gipsy rodando pr España.

A bici de Gabo...

Mínima dende as cores (branco, negro, metal e coiro) e austera nas pezas; e tan austera! ...que a maioría das pezas semellan vellas orixinais (potencia, tixa, ponte de freo) e o marco, un antigo de racores; unha fixa reciclada de libro. A pretendida elegancia á primeira vista, logo remárcana as voluptuosas curvas do desnudo guía de criterium.

Gabo achegouse ó polo, pero xa nos dixo que ata que fixera a bici específica non o veriamos xogando na pista.

A bici de Oli

Pouco máis que engadir á imaxe: esta fixa foi deseñada/composta por encargo a Carlos (de Googies en A Coruña), e montada no taller de Andrés Calvet. Algo tivo que ver o polo!

Compoñentes: White Industries, Nitto, Concor, Campagnolo, H+son e Brooks.

Macchina 'nova'

SS [single speed]


Así estaba a bici do Dan fai pouco:










PS. disque o Robert tamén estrea macchina nova; fixa. A ver vemos cedo unhas fotos.

Por certo, hoxe 19 de abril é o 'día internacional da bicicleta' ...que se saiba.

A data está ligada á experiencia de descobremento do LSD, por Albert Hofmann... anque o importante penso eu, é que aproveitando este día en moitas cidades prográmanse paseos, promocións da bici, pero n'A Coruña NON. O Área de Sostenibilidade e Movilidade Urbana non fai tal consideración pola bici. Ea, cómete iso.

BIKE in progress... a bici do Dan

Ou sexa, a miña bici. Aínda coa rebarbadora e a soldadora recén pousadas; buscando afinar as prestacións da bici. O traballo feito foi: acurtamento de eixos (uns 8 cm), e tixa coa sela atrasada. Outros extras: guiador máis alto, paso a unha velocidade (39x18)