Bikepolo na V.Masa.Crítica.Galega (A Coruña, 2011) 3/3 FOTOS

Derradeira entrega da saga. Unhas fotos que pagan partillar:

     

Bikepolo na V.Masa.Crítica.Galega (A Coruña, 2011). Post 2/3

A Vª Masa Crítica Galega xuntou logo unhas 200 persoas (contadas por min) moi activistas e berronas, que fomos quen de tomar p.ex. os 3 carrís do paseo marítimo, os de Juan Flórez ou os da Ronda de Outeiro. Unha masa crítica moi potente, SI! ...e coa complicidade de todo o mundo: algo moi evidente nos sorrisos dos peóns, e penso tamén que coa parte dos automobilistas (non se oíron pitos) e incluso no respecto da poli local que :P sen chamalos, non nos causaron conflictos e pechaban o paso nos cruces ós coches... e ata apagaban o motor das motos cando parabamos.

E así o recolleron dende medios xerais comaaaa p.ex. LaVoz.

Na foto, enriba:

· Unha instantánea de como pintaba o anfiteatro do Parque de Sta. Margarida no cerne da actividade bikepoleira -namentres que noutras partes do parque comíase, bailábase ou ''escoitábase'' entre gaitas un cursiño de mecánica- . 

· Xentes de Vigo, Santiago, Pontevedra... probando a maioría deles por primeira vez o bikepolo; lanzándose algúns á pista con bicis prestadas polos habituais. 

Agardamos ter sementado bo rollo, sinerxias ciclísticas, e que xordan novos focos bikepoleiros en Galicia. 

Bikepolo na V.Masa.Crítica.Galega (A Coruña, 2011). Post 1/3

Éxito da convocatoria. Estabamos de estrea das porterías novas -pronto máis detalles das mesmas- feitas de balde polo Sebas; e as irregularidades propias da pista xunto a onde se celebraba o resto de actividades funcionaron perfectamente para moderar o xogo e igualar niveis dos expertos e novos. Iso si, houbo que pasar a vasoira (recoller a man) para eliminar as pedriñas que comprometían a seguridade. O xa dito e un pouquiño de cinta autocolante para marcar a liña do medio do campo foi todo o necesario (aparte dos mazos e da pelotiña, claro).

Atribución: Abraham Viqueira

Bikepolo na V.Masa Crítica Galega (A Coruña, 2011). Convocatoria

A Vª Masa Crítica Galega celébrase en A Coruña mañá 1 de outubro! !! ...e o bikepolo está convidado coma estrela da diversión. Como non!


Alá que imos onde será o xantar, no anfiteatro do Parque de Santa Margarida, coas porterías feitas para a ocasión e cinta autocolante para marcar a pista, con un pasado previo de basoira (está chea de pedriñas). En principio a sesión de bikepolo no programa 'oficial da masa crítica' é o sábado 1 a despois do xantar, pero nós que non podemos autolimitarnos a un horario tan retrinxido imos ofrecérmonos a construir a cancha xa dende as 11:00 ...máis ou menos (coma horario fora de programa, tamén consideraremos o que apeteza durmir)


A ''pista'' do anfiteatro non é rápida, e ten unha lixeira pendente pero non afecta ó xogo. Probámola o venres e aínda é boa porque xoga a favor dos novatos que polo firme irregular non se controle ben a bola porque así non se sprinta. Mais pode dicirse que se xoga ben na pista!


E como teña suceso a exhibición da mañá/tarde... trala Masa Crítica Galega das 18:00 proporemos unha fuga extraoficial ata a nosa amada pista de Adormideras... para dar continuidade á festa tarde/noite e xogar en serio.